தேவகோட்டை டாஸ்மாக் பார்களில் ரெய்டு மதுபாட்டில்கள் பறிமுதல்


தேவகோட்டை நகரில் டாஸ்மாக் பார்களில், அதிகாலையில் மதுபானம் விற்பதாக போலீசாருக்கு தகவல் கிடைத்தது. இதையடுத்து, நேற்று காலை இன்ஸ்பெக்டர் அண்ணாத்துரை, எஸ்.ஐ.க்கள் ராமர், செல்வகுமார், சந்தான கார்த்திகா ஆகியோர் பார்களில் சோதனை செய்தனர்.

ஆறு பார்களில் நடத்திய சோதனையில், மதுவிற்ற, முத்து, கார்த்திக், மூர்த்தி, சண்முகம், செல்வம், லட்சுமணன் ஆகிய 6 பேரை கைது செய்தனர். அவர்களிடமிருந்து 54 மது பாட்டில்கள், 19,450 ரூபாய் பணத்தையும் பறிமுதல் செய்தனர்.

நிகழ்வுகள் இல் பதிவிடப்பட்டது . குறிச்சொற்கள்: , , . Leave a Comment »

மனைவி தேர்தலில் போட்டி: வாக்காளர்களுக்கு பணம் கொடுத்த கணவன் கைது


தேவகோட்டை அருகே உள்ள கண்ணங்கோட்டை ஊராட்சி தலைவர் பதவிக்கு அப்பகுதியைச் சேர்ந்த ராமநாதன் மனைவி வடிவுக்கரசி என்பவர் போட்டியிடுகிறார். ராமநாதன் நேற்று மாலை அப்பகுதியில் உள்ள வாக்காளர்களுக்கு தேர்தலில் போட்டியிடும் தனது மனைவிக்கு ஆதரவாக பணம் கொடுத்ததாக கூறப்படுகிறது.

இதுகுறித்து துணை வட்டார வளர்ச்சி அதிகாரி கேசவன், தேவகோட்டை தாலுகா போலீசுக்கு தகவல் கொடுத்தார். உடனடியாக போலீசார் விரைந்து வந்து சம்பந்தப்பட்ட பகுதியில் விசாரணை நடத்தினர். அப்போது அங்கு வாக்காளர்களுக்கு பணம் கொடுத்து கொண்டிருந்த ராமநாதனை, போலீசார் கையும் களவுமாக பிடித்து கைது செய்தனர்.

அவரிடம் இருந்து ரூ.7 ஆயிரம் ரொக்கப்பணம் பறிமுதல் செய்யப்பட்டது. கைது செய்யப்பட்ட ராமநாதன் அப்பகுதியில் உள்ள டாஸ்மாக் கடையின் சூப்பர் வைசராக பணியாற்றி வருகிறார் என்பது குறிப்பிடத்தக்கது.

வெளிநாடு செல்ல விரும்பாத வாலிபர் தற்கொலை


தேவகோட்டை அருகேயுள்ள இளங்குடியைச் சேர்ந்தவர் பாண்டியன் வெளிநாட்டில் இருக்கிறார். இவரது மகன் மாதவன் (22) சென்னையில் டாஸ்மாக் பாரில் வேலை செய்து வந்தார். மாதவன் பாரில் வேலைசெய்வதை பிடிக்காத பாண்டியன் மகனை வெளிநாட்டில் வேலைக்கு சேர்க்க ஆசைப்பட்டார். மாதவனுக்கோ வெளிநாடு செல்ல விருப்பமில்லை.எனினும் பாண்டியன் அதற்கான ஏற்பாடுகளை செய்தார். சில தினங்களுக்கு முன் விசாவும் வந்து விட்டது. ஒருசில தினங்களில் வெளிநாடு செல்ல வேண்டிய நிலை ஏற்பட்டது.

வெளிநாட்டிற்கு செல்ல விருப்பமில்லாததை வீட்டில் கூறியபோது தந்தை பேச்சை கேள் என்று கூறிவிட்டனர். வெளிநாட்டுக்கு செல்ல விருப்பமில்லாமல் இருந்த மாதவன் நேற்று காலை கோயிலுக்கு போவதாக கூறி விட்டு சென்றார். வெகுநேரமாகியும் வராததால் தாய் ஆனந்தி தேடிபார்த்தபோது அருகில் உள்ள தோட்டத்தில் களைக்கொல்லி மருந்து குடித்து பிணமாக கிடந்தார். இது தொடர்பாக திருவேகம்பத்தூர் எஸ்.ஐ. மாணிக்கம் விசாரித்து வருகிறார். இறந்து போன மாதவன் சில ஆண்டுகளுக்கு முன் தந்தையின் முயற்சியால், மாதவனை ஐ.டி.ஐயில் சேர்த்தபோதும் பிடிக்காமல் மாதவன் விஷம் குடித்து தற்கொலைக்கு முயன்ற போது அதிர்ஷ்டவசமாக காப்பாற்றப்பட்டார். இந்த முறை விஷம் அருந்தி நேரமானதால் காப்பாற்ற முடியவில்லை.

சம்பவம் இல் பதிவிடப்பட்டது . குறிச்சொற்கள்: , , , , . Leave a Comment »