விபத்தில் மாணவர் பலி


தேவகோட்டை : காரைக்குடி கழனிவாசல் பகுதியைச் சேர்ந்தவர் அருண்(17). புதுக்கோட்டை மாவட்டம் வல்லத்திராக்கோட்டையைச் சேர்ந்த சுப்புராஜூவுடன் டி.என். 63 பி.4734 எண்ணுள்ள டி.வி.எஸ். ஸ்போர்ட் பைக்கில் உஞ்சனையில் நண்பர் வீட்டு விசேஷத்திற்கு சென்றுள்ளார்.

திரும்பி வரும் போது உஞ்சனை மாத்தூர் ரோட்டில் பைக் கட்டுபாட்டை இழந்து நிலை தடுமாறி கீழே விழுந்தனர். இருவரும் ஹெல்மெட் அணியாததால் தலையில் பலத்த காயமடைந்தனர். சுப்புராஜூ சம்பவ இடத்தில் பலியானார். அருண் சிகிச்சை பெற்று வருகிறார். ஆறாவயல் எஸ்.ஐ. அர்ச்சுணன் பொறியியல் துறை மாணவர் அருண் மீது வழக்கு பதிவு செய்து விசாரித்து வருகிறார்.

தேவகோட்டையில் வாக்காளர்களுக்கு சித.பழனிச்சாமி நன்றி


தேவகோட்டையில் வாக்காளர்களுக்கு காரைக்குடி தொகுதி சட்டப் பேரவை உறுப்பினர் சோழன் சித.பழனிச்சாமி ஞாயிற்றுக்கிழமை நன்றி தெரிவித்தார்.

ராமநகரில் தனது பயணத்தைத் துவங்கிய அவர் கடை வீதிகளில் மக்களுக்கு நன்றி தெரிவித்தார்.

பின்னர் திறந்த ஜீப் மூலம் மக்களிடம் நன்றி தெரிவித்து பேசும்போது தேர்தலில் அ.தி.மு.க. கூறிய வாக்குறுதிகளை நிறைவேற்றுவேன்.

அனைத்தும் காரைக்குடி தொகுதியில் உள்ள அனைவருக்கும் முழுமையாக கிடைக்குமாறு செய்வேன் என்றார்.

அவருடன் காரைக்குடி தொகுதி செயலாளர் முன்னாள் எம்.எல்.ஏ.க்கள் சொர்ணலிங்கம், கற்பகம் இளங்கோ, மாவட்ட ஜெயலலிதா பேரவைச் செயலாளர் செந்தில்நாதன், மாவட்ட எம்.ஜி.ஆர். இளைஞர் அணிச் செயலாளர் தேர்போகிபாண்டி, வழக்கறிஞர் ராமநாதன், நகரச் செயலாளர் எஸ்.வி.ராமச்சந்திரன், நகர எம்.ஜி.ஆர் இளைஞரணி காசிலிங்கம், காட்டுராஜா ஜெசதீசன், நகர்மன்ற உறுப்பினர்கள் செல்லமுத்து, சுப்புராம் உள்ளிட்ட பலர் கலந்துகொண்டனர்.

செய்திகள் இல் பதிவிடப்பட்டது . குறிச்சொற்கள்: , , . 1 Comment »

பெண்ணை கட்டிபோட்டு நகை கொள்ளை: பெரியகாரையை சேர்ந்த 2 பேர் கைது


காரைக்குடி : காரைக்குடியில், பத்திரிகை தரவேண்டும் எனக்கூறி, வீட்டில் இருந்த பெண்ணை கட்டிப்போட்டு 18.5 பவுன் நகை திருடிய, இருவரை போலீசார் கைது செய்தனர். சுப்பிரமணியபுரம் 6வது தெருவை சேர்ந்தவர் அம்பலம். இவரது மனைவி புஷ்பவள்ளி (46). கணவர் மலேசியாவில் இருப்பதால், தாய் லட்சுமியுடன் வசிக்கிறார். ஏப்., 29ம் தேதி பகல் 12 மணிக்கு, டூ வீலரில் வந்த மர்ம நபர்கள் திருமண பத்திரிகை தரவேண்டும் எனக்கூறி வீட்டிற்குள் புகுந்தனர். அங்கு தனியாக இருந்த புஷ்பவள்ளியிடம் கத்தியை காட்டி மிரட்டினர். அவரை கயிறால் கட்டிப்போட்டு பீரோவில் இருந்த 18.5 பவுன் நகை, 80 ஆயிரம் ரூபாயை கொள்ளையடித்தனர். இன்ஸ்பெக்டர் ராமச்சந்திரன் விசாரித்தார்.

நேற்று முன்தினம் இரவு தேவகோட்டை ரஸ்தாவில், வாகன சோதனை நடந்தது. அவ்வழியாக டூவீலரில் வந்த வேகோட்டை பெரியகாரையை சேர்ந்த சிவலிங்கம் மகன் சுரேஷ் (32), ராமநாதன் மகன் முத்துக்குமாரை (29) சந்தேகத்தின் பேரில் விசாரித்தனர். இருவரும், புஷ்பவள்ளியை கட்டி போட்டு திருடியதாக தெரிவித்தனர். போலீசார் இருவரையும் கைது செய்து, 18.5 பவுன் நகையை பறிமுதல் செய்தனர்.

தேவகோட்டை: சமத்துவபுரம் திறப்பு


தேவகோட்டை அருகே புதிதாக அமைக்கப்பட்டுள்ள பெரியார் நினைவு சமத்துவபுரத்தை துணை முதல்வர் மு.க.ஸ்டாலின் திறந்து வைத்தார்.

சிவகங்கை மாவட்டத்தில் நடைபெற்ற பல்வேறு நிகழ்ச்சிகளில் துணை முதல்வர் மு.க.ஸ்டாலின் கலந்து கொண்டார். துணை முதல்வர் மு.க.ஸ்டாலினை அமைச்சர்கள் பெரிய கருப்பன், சாத்தூர் ராமச்சந்திரன் ஆகியோர் வரவேற்றனர்.

பின்னர் காரைக்குடி நகராட்சிக்கு ஒன்றரை கோடி ரூபாய் மதிப்பில் கட்டப்பட்டுள்ள கட்டிடத்தை ஸ்டாலின் திறந்து வைத்தார். அதனைத் தொடர்ந்து ஒன்றரை கோடி ரூபாய் மதிப்பில் அமைக்கப்பட்டுள்ள பூங்காவையும் திறந்து வைத்து பார்வையிட்டார்
.
தேவகோட்டை அருகே உள்ள நல்லான்குடியில் புதிதாக அமைக்கப்பட்டுள்ள பெரியார் நினைவு சமத்துவபுரத்தையும் ஸ்டாலின் திறந்து வைத்தார்.

தேவகோட்டை அருகே முன்விரோதத்தில் டிராக்டர் டிரைவர் மீது தாக்குதல்


தேவகோட்டை அருகே முன்விரோதத்தில் டிராக்டர் டிரைவர் மீது தாக்குதல்: கணவன்-மனைவி மீது வழக்கு

தேவகோட்டை கீழசெம்பொன்மாரி கிராமத்தை சேர்ந்தவர் ரவிச்சந்திரன். இவர் டிராக்டரில் மணல், கற்கள் லோடு அடிக்கும் தொழில் செய்து வந்தார். இவர் காரைக்குடியை சேர்ந்த ராமநாதன் என்பவர் வீட்டிற்கு மணல் சப்ளை செய்தார். இது தொடர்பாக இருவருக்கும் இடையே முன்விரோதம் இருந்து வந்தது.

இந்நிலையில் நேற்று ரவிச்சந்திரன் கள்ளல் என்ற இடத்தில் டிராக்டர் ஓட்டி வந்து கொண்டிருந்தார். அப்போது அங்கு வந்த ராமநாதன் அவரது மனைவி ஜோதி ஆசிரியை பணிபுரிந்து வருகிறார். 2 பேரும் ரவிச்சந்திரனை தகாத வார்த்தைகளால் திட்டி அடித்து உதைத்தனர்.

இது குறித்த புகாரின் பேரில் கள்ளல் போலீஸ் இன்ஸ்பெக்டர் தெய்வீக பாண்டியன், ராமநாதன் அவரது மனைவி ஜோதி ஆகிய இருவர் மீதும் வழக்குப்பதிவு செய்து விசாரணை நடத்தி வருகின்றனர்.