தேவகோட்டை அருகே தென்னீர்வயலில் வீட்டு கதவை உடைத்து நகை-பணம் கொள்ளை


தேவகோட்டை அருகே வீட்டுகதவை உடைத்து நகை-பணத்தை கொள் ளையடித்தவர் களையும், பள்ளியில் கம்ப்yuட்டர் திருடிய ஆசாமிகளையும் போலீசார் தேடி வருகின் றனர்.

நகைபணம் கொள்ளை

தேவகோட்டை அருகே உள்ள தென்னீர்வயல் கிரா மத்தை சேர்ந்தவர் காந்திமதி (வயது 65). இவரது கணவர் இறந்து விட்டார். மகன்கள் வெளியூரில் வசித்து வருகின் றனர். சம்பவத்தன்று காந்திமதி வீட்டை பூட்டிவிட்டு, 100 நாள் வேலைக்கு சென்றுவிட்டார்.

வேலை முடிந்து திரும்ப வீட்டுக்கு வந்த போது, வீட் டின் பின்பக்க கதவு உடைக் கப்பட்டு இருந்தது. மேலும் வீட்டில் வைத்திருந்த 2 பவுன் தங்க நகை மற்றும் ரூ.13ஆயிரம் ரொக்கம் ஆகியவற்றை காண வில்லை. யாரோ மர்ம ஆசா மிகள் அவற்றை திருடி சென்று விட்டனர்.

பள்ளியில் திருட்டு

தேவகோட்டையை அடுத்த புளியாலில் அரசு உயர்நிலைப் பள்ளி உள்ளது. இந்த பள்ளி யில் பள்ளி அலுவலக பணிக்கு பயன்படுத்தப்பட்டு வந்த கம்ப்யூட்டரை மர்ம ஆசாமி கள் திருடி சென்றுவிட்டனர். இதன் மதிப்பு ரூ.50ஆயிரம் ஆகும். 2 திருட்டு வழக்குகள் குறித்து தேவகோட்டை தாலுகா போலீஸ் நிலையத்தில் புகார் செய்யப்பட்டது. இன்ஸ் பெக்டர் முத்துவேல் வழக்கு பதிவு செய்து திருட்டில் ஈடு பட்ட ஆசாமிகளை தேடி வருகிறார்.

Advertisements
நிகழ்வுகள் இல் பதிவிடப்பட்டது . குறிச்சொற்கள்: . Leave a Comment »

தேவகோட்டை டாஸ்மாக் பார்களில் ரெய்டு மதுபாட்டில்கள் பறிமுதல்


தேவகோட்டை நகரில் டாஸ்மாக் பார்களில், அதிகாலையில் மதுபானம் விற்பதாக போலீசாருக்கு தகவல் கிடைத்தது. இதையடுத்து, நேற்று காலை இன்ஸ்பெக்டர் அண்ணாத்துரை, எஸ்.ஐ.க்கள் ராமர், செல்வகுமார், சந்தான கார்த்திகா ஆகியோர் பார்களில் சோதனை செய்தனர்.

ஆறு பார்களில் நடத்திய சோதனையில், மதுவிற்ற, முத்து, கார்த்திக், மூர்த்தி, சண்முகம், செல்வம், லட்சுமணன் ஆகிய 6 பேரை கைது செய்தனர். அவர்களிடமிருந்து 54 மது பாட்டில்கள், 19,450 ரூபாய் பணத்தையும் பறிமுதல் செய்தனர்.

நிகழ்வுகள் இல் பதிவிடப்பட்டது . குறிச்சொற்கள்: , , . Leave a Comment »

தானுச்சாவூரணியைச் சேர்ந்த மாணவி கனிமொழி தற்கொலை


தேவகோட்டை அருகே தானுச்சாவூரணியைச் சேர்ந்தவர் தேசிகன்.இவரது மகள் கனிமொழி ,20, பெற்றோர் சிங்கப்பூரில் வசிக்கின்றனர். சகோதரரும் கனிமொழியும் மட்டும் இங்கு உள்ளனர். கனிமொழி தனியார் பொறியியற் கல்லூரியில் படித்து வந்தார். நேற்று முன்தினம் கல்லூரியில் இருந்து திரும்பிய கனிமொழி, வீட்டில் தூக்கிட்டு தற்கொலை செய்து கொண்டார். சிங்கப்பூரில் உள்ள தேசிகனுக்கு தகவல் தெரிவித்தனர்.போலீசார் விசாரித்து வருகின்றனர்.

நிகழ்வுகள் இல் பதிவிடப்பட்டது . குறிச்சொற்கள்: , , . Leave a Comment »

தேவகோட்டை அருகே மாட்டு வண்டி, குதிரைவண்டி பந்தயம்


மாட்டு வண்டி பந்தயம்

மேலச்செம்பொன்மாரி, ஆறாவயல், பேராட்டுக்கோட்டை, பொன்னி வயல் நாட்டார்கள் இணைந்து மாட்டு வண்டி பந்தயம் நடத்தினர். மாட்டு வண்டி பந்தயம் பெரியமாடு, நடுமாடு,சின்னமாடு, பூஞ்சிட்டு என 4 பிரிவாகவும், குதிரை பந்தயம் பெரிய குதிரை, சின்னகுதிரை என 2 பிரிவாகவும் நடைபெற்றது. போட்டிகளில் 50 வண்டிகள் கலந்து கொண்டன.

பெரியமாட்டு வண்டி பந்தயத்தில் முதலிடத்தை அடம்பூர் தங்கராஜா வண்டி யும், 2ம் இடத்தை அ.வள்ளாளபட்டி பூஞ்சோலை வண்டியும், 3ம்இடத்தை புதுத் தாமரைப்பட்டி சேதுராமன் வண்டியும் பெற்றது. நடுமாடு பந்தயத்தில் முதல் இடத்தை அவனியாபுரம் முருகன் வண் டியும், 2ம் இடத்தை கொட்டகுடி கண்ணன் வண்டியும், 3ம் இடத்தை மறவனேந்தல் துஸ்டக்கருப்பர் வண்டியும் பெற்றது.

சின்னமாடு பந்தயத்தில் முதலிடத்தை சிங்கத்திருமுருகப்பட்டி செல்லத்துரை வண்டியும், 2ம் இடத்தை நாகப்பன் பட்டி அஜித்குமார் வண்டியும், 3ம் இடத்தை பரளி மணி வண்டியும் பெற்றது. பூஞ்சிட்டு பந்தயதில் முதலிடத்தை மேலூர் புவனேஸ்வரி வண்டியும், 2ம் இடத்தை மணச்சை வெற்றிவிநாயகர் வண்டியும், 3ம் இடத்தை வெள்ளையாபுரம் ஊராட்சி மன்ற தலைவர் அஜ்மல்கான் வண்டியும் பெற்றது.

குதிரை வண்டி பந்தயம்

இதேபோல் பெரியகுதிரை வண்டி பந்தயத்தில் பேராட்டுக் கோட்டை மாயழகு வண்டியும், 2ம் இடத்தை தீர்த்தப்பூர் சிவபிரகாசம் வண்டியும், சின்னகுதிரை வண்டி பந்தயத்தில் முதலிடத்தை காளையார் கோவில் மேப்பல் சக்தி வண்டியும், 2ம் இடத்தை தீருதப்பூர் சிவபிரகாசம் வண்டியும் பெற்றது.

தேவகோட்டை அருகே ஆள்மாறாட்டம் செய்து பாஸ்போர்ட் மோசடி: வாலிபருக்கு வலைவீச்சு


தேவகோட்டை தானிச்சா ஊரணியை சேர்ந்தவர் முத்தையா. இவரது மகன் காசிலிங்கம் (வயது 36). இவர் கடந்த 2002-ம் ஆண்டு தனது தம்பி கார்த்திகேயனின் பாஸ்போர்ட்டில் ஆள் மாறாட்டம் செய்து தனது புகைப்படத்தை ஒட்டியிருந்தாராம்.

இந்நிலையில் காசிலிங்கம் பாஸ்போர்ட்டை புதுப்பிப்பற்காக மதுரை பாஸ்போர்ட் அலுவலகத்திற்கு வந்தார். அப்போது காசிலிங்கம் பாஸ்போர்ட்டில் ஆள்மாறாட்டம் செய்து புகைப்படம் ஒட்டியிருந் ததை அதிகாரிகள் கண்டு பிடித்தனர்.

மேலும் இதுகுறித்து மதுரை பாஸ்போர்ட் அதிகாரிகள், சிவகங்கை மாவட்ட போலீஸ் சூப்பிரண்டு பன்னீர்செல்வத்திடம் புகார் செய்தனர். புகாரின் பேரில் போலீஸ் சூப்பிரண்டு பன்னீர்செல்வம், காசிலிங்கம் மீது நடவடிக்கை எடுக்க ஆராவயல் போலீசாருக்கு உத்தரவிட்டார்.

இதைதொடர்ந்து ஆராவயல் போலீஸ் இன்ஸ்பெக்டர் முத்துராஜ் வழக்கு பதிவு செய்து தலைமறைவான காசிலிங்கத்தை வலைவீசி தேடி வருகிறார்.

நிகழ்வுகள் இல் பதிவிடப்பட்டது . குறிச்சொற்கள்: , . Leave a Comment »

தேவகோட்டை பகுதியில் கோவில் திருவிழா: மாட்டு வண்டி பந்தயம்


திருப்பத்தூர் அருகே உள்ள ஏரியூர் மலை மருந்தீஸ்வரர் முனிநாதன் கோவில் 28-ம் ஆண்டு பங்குனி உத்திர தேரோட்டத்தை முன்னிட்டு மாட்டு வண்டி பந்தயம் நடைபெற்றது.

ஏரியூர்-மதகுபட்டி சாலையில் நடைபெற்ற இந்த மாட்டுவண்டி பந்தயத்தில் பெரியமாடு, நடுமாடு, சின்னமாடு, பூஞ்சிட்டு என நான்கு பிரிவுகளாக மொத்தம் 51 வண்டிகள் கலந்துகொண்டன.

முதலில் நடந்த பெரியமாட்டு வண்டி பந்தயத்தில் மொத்தம் 9 வண்டிகள் கலந்துகொண்டு முதல் பரிசை வண்ணாம்பாரைப்பட்டி காமேஸ்வரன் மற்றும் நகரம்பட்டி வைத்தியா வண்டியும், இரண்டாம் பரிசை நத்தம் விளாம்பட்டி மகாவிஷ்ணு வண்டியும், மூன்றாம் பரிசை அ.வண்ணாளப்பட்டி பூஞ்சோலை ஜெயக்கண்ணன் வண்டியும் பெற்றன.

பின்னர் நடைபெற்ற நடுமாட்டு வண்டி பந்தயத்தில் 13 வண்டிகள் கலந்துகொண்டு முதலாவது பரிசை தேவராம்பூர் ராமநாதன் வண்டியும், இராண்டாம் பரிசை ஏரியூர் ஆட்டோ ராஜா வண்டியும், மூன்றாவது பரிசை குண்டேந்தல்பட்டி தவராணி வண்டியும் பெற்றது.

மூன்றாவதாக நடைபெற்ற சின்ன மாட்டுவண்டி பந்தயத்தில் மொத்தம் 16 வண்டிகள் கலந்துகொண்டு முதலாவது பரிசை ம.ஒத்தப்பட்டி ஜெகநாதன் வண்டியும், இரண்டாவது பரிசை ஏரியூர் பெத்தாச்சி அம்பலம் வண்டியும், மூன்றாவது பரிசை நெய்வாசல் பெரியசாமி வண்டியும் பெற்றது.

கடைசியாக நடைபெற்ற பூஞ்சிட்டு மாட்டு வண்டி பந்தயத்தில் மொத்தம் 13 வண்டிகள் கலந்துகொண்டு முதலாவது பரிசை மாம்பட்டி பாரிவள்ளல் வண்டியும், இரண்டாவது பரிசை செல்வேந்திரன் வண்டியும், மூன்றாவது பரிசை அலங்காநல்லூர் புதுப்பட்டி ராதா வண்டியும் பெற்றன.

இதேபோல் தேவகோட்டை அருகே உள்ள கோட்டூர் முத்துமாரியம்மன் கோவில் பங்குனி திருவிழாவை முன்னிட்டு கோட்டூர்-வேலாயுதபட்டிணம் சாலையில் மாட்டுவண்டி பந்தயம் நடைபெற்றது. இதில் மொத்தம் 18 வண்டிகள் பங்கேற்று பெரியமாட்டு வண்டி பந்தயம், சின்னமாட்டு வண்டி பந்தயம் என இரண்டு பிரிவாக நடைபெற்றது.

முதலில் நடந்த பெரியமாட்டு வண்டி பந்தயத்தில் முதல் பரிசை தேவகோட்டை சோமசுந்தரம் வண்டியும், இரண்டாவது பரிசை ஆட்டூர் ராமநாதன் சேர்வை வண்டியும், மூன்றாவது பரிசை வெட்டிவயல் சுந்தரேசன் வண்டியும் பெற்றன.

பின்னர் நடைபெற்ற சின்னமாட்டு வண்டி பந்தயத்தில் உடப்பன்பட்டி சின்னையா அம்பலம் வண்டி முதல் பரிசையும், கல்லல் மார்க்கண்டன் வண்டி இரண்டாவது பரிசையும், கல்லூரணி காவேரி கருப்பையா பாலாஜி வண்டி மூன்றாவது பரிசையும் பெற்றன.

சிவகங்கை மாவட்டத்தில் 10 ஆண்டுகளில் காசநோயால் 338 பேர் இறந்துள்ளனர்.


சிவகங்கை மாவட்டத்தில் 10 ஆண்டுகளில் காச நோயால் 338 பேர் இறந்துள்ளனர் என்று காசநோய் பிரிவு துணை இயக்குனர் விஜய் ஆனந்த் கூறினார்.

விழிப்புணர்வு ஊர்வலம்

உலக காசநோய் தினத்தை யொட்டி விழிப்புணர்வு ஊர் வலம் சிவகங்கை அரண்மனை வாசலில் நடைபெற்றது. ஊர் வலத்தை கலெக்டர் ராஜா ராமன் தொடங்கி வைத்தார். நிகழ்ச்சியில் மருத்துவத்துறை இணை இயக்குனர் டாக்டர் ரஞ்சனிதேவி, துணை இயக் குனர் விஜய் ஆனந்த், ஐ.ஆர்.சி.டி.எஸ்.தொண்டு நிறுவன நிர்வாக இயக்குனர் ஜீவானந் தம், சாய் தொண்டு நிறுவன மாவட்ட ஒருங்கிணைப்பாளர் அந்தோணி எட்வர்ட் சிங் உள்ளிட்ட பலர் கலந்து கொண்டனர்.

ஊர்வலம் முக்கிய வீதிகள் வழியாக சென்று அரசு மருத்து வமனை முன்பு முடிந்தது. பின்னர் காசநோய் பிரிவு துணை இயக்குனர் விஜய் ஆனந்த் கூறியதாவது:-

காசநோய் காற்றின் மூலமாக பரவும் ஒரு தொற்று நோய் ஆகும். தொற்று நோய்களில் அதிகமான இறப்புகளை ஏற்படுத்துவது காசநோய் தான். 7ஆயிரம் ஆண்டுகளுக்கு பழமையானவை இந்த நோய். கி.பி.ஆயிரத்து 500ல் இது தொற்றுநோய் என அறியப்பட்டது.

18 லட்சம்பேர் பாதிப்பு

1946ம் ஆண்டு இதற்கென தனிப் பிரிவு தொடங்கப்பட் டது. நோயின் தாக்கம் பற்றிய கணக்கெடுப்பு 1955ல் எடுக் கப்பட்டது. 1959ல் பெங்க ளூரில் தேசிய டிபி அமைப்பு உருவாக்கப்பட்டது. 1997ல் திருத்தி அமைக்கப்பட்ட காச நோய் கட்டுப்பாடு திட்டம் தொடங்கப்பட்டது. இந்தியா வில் இந்த நோயால் ஒரு ஆண் டிற்கு 18 லட்சம் பேர் பாதிக் கப்படுகிறார்கள். இவர்களில் 4 லட்சம் பேர் மரணம் அடை கிறார்கள்.

உலக அளவில் எடுக்கப்பட்ட கணக்கு எடுப்பின்படி உலக காசநோயாளிகளில் 5ல் ஒரு வர் இந்தியர் ஆவார். ஒரு நாளைக்கு 5 ஆயிரம் புதிய நோயாளிகள் உருவாகிறார் கள். ஒவ்வொரும் நாளும் ஆயிரம் பேர் மரணம் அடை கிறார்கள். சிவகங்கை மாவட் டத்தில் திருத்தி அமைக்கப் பட்ட தேசிய காசநோய் திட் டம் கடந்த 2001ல் தொடங்கப் பட்டது.

இலவச மாத்திரைகள்

ஏறத்தாழ 5 லட்சம் மக் களுக்கு ஒரு பிரிவு என்ற கணக் கில் சிவகங்கை, காளையார் கோவில், நெற்குப்பை ஆகிய 3 இடங்களில் காசநோய் பிரிவு தொடங்கப்பட்டது. கடந்த 10 ஆண்டுகளில் இந்த மாவட் டத்தில் காசநோயால் 338 பேர் இறந்துள்ளனர். கடந்த 2011ம் ஆண்டு மட்டும் 31 பேர் இறந்துள்ளனர். 2011ம் ஆண்டு மட்டும் இந்த மாவட்டத்தில் 1,235 காசநோயாளிகள் இருந் தது கண்டுபிடிக்கப்பட்டது. இவர்களில் 87.9 சதவீதம் பேர் குணம் அடைந்துள்ளனர்.

காசநோயாளிகளுக்கு வழங் கப்படும் டாட் சிகிச்சை மூலம் தரமான மாத்திரைகள் இலவ சமாக வழங்கப்படுகிறது. 6 முதல் 8 மாதங்கள் வரைக்கும் இந்த சிகிச்சை மேற்கொள்ள வேண்டும். இந்த நோய் தாக்கப் பட்டவர்களுக்கு உரிய மருந் துகள் சாப்பிடுகிறார் களா? என்பதை கண்காணிப்பதற் காக உறவினர்கள் அல்லது சுகாதார செவியலியர்கள் மூல மாக வழங்கப்படும். இவ் வாறு அவர் கூறினார்.

நிகழ்வுகள் இல் பதிவிடப்பட்டது . குறிச்சொற்கள்: , , . Leave a Comment »