ஆக்கிரமிப்பாளர் பிடியில் சிக்கிய தேவகோட்டை பஸ் நிலையம் அகற்றக்கோரி அ.தி.மு.க.வுன்சிலர் மனு


தேவகோட்டை பஸ் நிலையத்தில் உள்ள ஆக்கிரமிப்புகளை அகற்ற வேண்டும் என்று அ.தி.மு.க.கவுன்சிலர் முதல்- அமைச்சர் ஜெயலலிதாவுக்கு மனு அனுப்பியுள்ளார்.

ஆக்கிரமிப்பு

சிவகங்கை மாவட்ட எம்.ஜி.ஆர்.மன்ற துணைத்தலைவரும், தேவகோட்டை யூனியன் அ.தி.மு.க.வுன்சிலருமான தென்னீர்வயல் கே.ஆர்.பெரியண்ணன் அம்பலம் தமிழக முதல்- அமைச்சருக்கு அனுப்பியுள்ள மனுவில் கூறியிருப்பதாவது:-

தேவகோட்டை வளர்ந்து வரும் நகரம் ஆகும். தேவகோட்டையை சுற்றி ஏராள மான கிராமங்கள் உள்ளன. இந்த கிராம மக்கள் தேவகோட்டை பஸ்நிலையத்தில் இறங்கி தான் தமது சொந்த வேலைகளுக்கு செல்ல வேண்டியுள்ளது. மேலும் இந்த பஸ் நிலையம் திருச்சி- ராமேசுவரம் சாலையில் அமைந்துள்ளதால் ஏராளமான பயணிகள் வந்து செல்கின்றனர்.

பயணிகள் நிற்பதற்கு கூட இடம் இல்லாத அளவிற்கு பஸ் நிலையம் முழுமையாக ஆக்கிரமிப்பு செய்யப்பட்டுள்ளது. அதில் பூக்கடைகள் மற் றும் தின்பண்டகடைகள் வைத்து மறைத்துவிடுவதால் பயணிகள் மழையிலும், வெயிலிலும் அவதிபடும் நிலை உள்ளது.

கோரிக்கை

எனவே பஸ் பயணிகளுக்கு உரிய நிழற்குடை அமைத்து, பஸ்நிலையத்தில் உள்ள ஆக்கி ரமிப்புகளை உடனடியாக அகற்ற அதிகாரிகளுக்கு உத்தர விட வேண்டும். இவ்வாறு அவர் அந்த மனுவில் கூறியுள்ளார்.

செய்திகள் இல் பதிவிடப்பட்டது . குறிச்சொற்கள்: , . 2 Comments »

தாசில்தார் அலுவலகத்தில் காஸ் நுகர்வோர் குறைதீர் கூட்டம்


தேவகோட்டையில் ஏப்.,21 அன்று காஸ் சிலிண்டர் நுகர்வோர் குறைதீர் கூட்டம் நடக்கிறது.

அன்று காலை 11 மணிக்கு தாசில்தார் அலுவலகத்தில் துவங்கும், கூட்டத்தில் சிலிண்டர் பயன்படுத்துவோர் தவறாமல் பங்கேற்று குறைகளை தெரிவிக்கலாம், என, டி.ஆர். ஓ., தனபால் தெரிவித்தார்.

செய்திகள் இல் பதிவிடப்பட்டது . குறிச்சொற்கள்: , . Leave a Comment »

தேவகோட்டை ஊராட்சி ஒன்றிய பகுதியில் ரூ.1.15 கோடி செலவில் வளர்ச்சி பணிகள்


தேவகோட்டை ஊராட்சி ஒன்றிய பகுதியில் ரூ.1.15 கோடி மதிப்பில் வளர்ச்சி பணிகள் செய்ய நிதி ஒதுக்கீடு செய்து யூனியன் கூட்டத்தில் தீர்மானம் நிறை வேற்றப்பட்டது.

யூனியன் கூட்டம்

தேவகோட்டை யூனியன் கூட்டம் அதன் தலைவர் பி.ஆர்.செந்தில்நாதன் தலை மையில் நடைபெற்றது. கமிஷனர் புவனேஸ்வரி, வட்டார வளர்ச்சி அலுவலர் பாலாஜி சுந்தர் ராஜன், துணைத் தலை வர் சவுந்தரம் பிர்லா கணேசன் ஆகியோர் முன்னிலை வகித்த னர்.

கூட்டத்தில் 15 தீர்மானங்கள் எடுத்துக்கொள்ளப்பட்டு நிறைவேற்றப்பட்டன. அதில் பொதுநிதியில் இருந்து ரூ.ஒருகோடியே 15 லட்சம் செலவில் வளர்ச்சி பணிகள் செய்ய நிதி ஒதுக்கீடு செய்து தீர்மானம் நிறைவேற் றப்பட்டது.

கூட்டத்தில் நடை பெற்ற விவாதம் வருமாறு:-

பெரியண்ணன் அம்பலம் (அ.தி.மு.க.)- போரிவயல் பாலம் தயார் நிலையில் உள்ளதால் தேவகோட்டை- புலியடிதம்பம் பஸ்சை இயக்க வேண்டும். ஈகரையில் பெரிய பாலம் அமைக்க வேண்டும். தென்னீர் வயலில் திருமண மண்டபம் கட்ட வேண்டும். அங்கு புதிய ரேஷன்கடை கட்டிடம் கட்டவேண்டும். தேவகோட்டை ஒன்றியத்தில் பசுமை வீடுகள் கட்டியவர் களுக்கு பணம் பட்டுவாடா செய்வதில் அதிகாரிகள் கால தாமதம் செய்து வருகின்றனர். இந்த திட்டம் முதல்வர் திட்டம் என்பதால் கால தாமதம் செய்யாமல் பணம் பட்டுவாடா செய்யவேண் டும்.

முத்துகுமரேசன் (அ.தி. மு.க.):- கொங்கன்பட்டியில் குடிநீர் குழாய் இணைப்பு கொடுக்கப்பட்டும் இன்னும் வழங்கப்படவில்லை. பருத்தியூர் மற்றும் சிவனூரில் மின்கம்பங்கள் சாய்ந்த நிலை யில் உள்ளதால் மனித உயிர் களுக்கும், கால்நடைகளுக்கும் ஆபத்து ஏற்பட்டுள்ளது. அதை உடனடியாக சரி செய்ய வேண்டும். செழுகையில் நிலவும் குடிநீர் பிரச்சினையை போக்கவேண்டும்.

சிமெண்டுசாலை

டேவிட் (தே.மு.தி.க.):- கிளியூர் ஊரணி மேல்கரையில் சிமெண்டு சாலை பணியை உடனடியாக தொடங்க வேண்டும். ராயர்பட்டினத்தில் தடுப்பு சுவர் கட்ட வேண்டும். வாயிலானேந்தல் கிராமத்தில் சிமெண்டு சாலை அமைக்க வேண்டும்.

ஸ்டெல்லா ஜோசப் (அ.தி.மு.க.):- புளியால் பஞ்சாயத் தில் குடிநீர் பிரச்சினையை தீர்க்க நடவடிக்கை எடுக்க வேண்டும்.

ஜான்சிராணி (இந்திய கம் யூனிஸ்டு):- விளாங்காட்டூரில் புதிய ரேஷன்கடை கட்ட வேண்டும்.

திருநாவுக்கரசு (அ.தி.மு.க.):- இந்திரா நினைவு குடியிருப்பு, பசுமை வீடுகள் திட்ட பயனா ளிகள் தேர்ந்தெடுக்கும் போது, கவுன்சிலர்களின் கருத்தையும் ஏற்றுக்கொள்ளவேண்டும்.

மராமத்து


திலகபாரதி (அ.தி.மு.க.):-
திராணியில் இருந்து தேவகோட்டை, சருகனி, புலியடி தம்பம் வழியாக பஸ் விட வேண்டும். திராணி மற்றும் வெள்ளி கட்டியில் திருமண மண்டபம் கட்டவேண்டும். உறுதிகோட்டையில் தண்ணீர் பற்றாக்குறையாகஉள்ளது. அதை போக்குவதற்கு 60 ஆயிரம் லிட்டர் கொள்ளவு உள்ள மேல்நிலை நீர்தேக்க தொட்டி கட்ட வேண்டும்.

லலிதா (அ.தி.மு.க.):– கொடிக்குளம் கண்மாயில் கொடி பூவரசை அகற்றி மண் மராமத்து செய்ய வேண்டும்.

இவ்வாறு விவாதம் நடைபெற்றது.

ஆக்கிரமிப்பு அகற்றும்போது அரசியல் தலையீடு இருக்கக் கூடாது. தேவகோட்டை நகரசபை கூட்டத்தில் விவாதம்


தேவகோட்டையில் ஆக்கிரமிப்பு அகற்றும்போது அரசியல் தலையிடு இருக்க கூடாது என்று நகரசபை கூட்டத்தில் வலியுறுத்தப்பட்டது.

நகரசபை கூட்டம்

தேவகோட்டை நகரசபை அவசர கூட்டம் அதன் தலை வர் கே.ஆர்.சுமித்ரா ரவிக் குமார் தலைமையில் நடை பெற்றது. கமிஷனர் இசக்கி யப்பன், என்ஜினீயர் செல்வ ராஜ், துணைத்தலைவர் சுந்தர் லிங்கம் ஆகியோர் முன்னிலை வகித்தனர்.

கூட்டத்தில் நடைபெற்ற விவாதம் வருமாறு:-

ரமேஷ் (சுயே):- தேவ கோட்டை பஸ்நிலையத்தில் 30 கடைகளை வாடகைக்கு விட்டு 300 கடைகள் ஆக்கிர மிக்கப்பட்டுள்ளது. இத னால் பொதுமக்களுக்கு பெரும் இடையூறாக உள்ளது.

போஸ் (அ.தி.மு.க.):-
பஸ் நிலையத்தில் உள்ள இலவச கழிப்பறை சுத்தம் செய்யப் படாததால் பஸ்நிலையமே துர்நாற்றம் வீசுகிறது. இதனால் பல தொற்றுநோய் ஏற்படுகி றது. எனவே அதை இடித்து விடுங் கள் அல்லது பராமரிப்பு செய்யுங்கள்.

அரசியல் தலையிடு கூடாது

கமிஷனர்:- பஸ்நிலைய ஆக் கிரமிப்புகள் விரைவில் அகற் றப்படும். இதுபோன்ற ஆக்கி ரமிப்புகள் அகற்றப்படும் போது, கவுன்சிலர்கள் யாரும் குறுக்கிடகூடாது. 27 வார்டு களிலும் உள்ள ஆக்கிரமிப்பு களை ஒருவாரகாலத்திற்குள் போலீஸ் உதவியுடன் நான் அகற்றிவிடுகிறேன். இதில் எந்த அரசியல் தலையிடும் இருக்க கூடாது. அதற்கு அனைத்து கவுன்சிலர்களும் தயாராக இருக்கிறீர்களா?.

இளங்கோ(தி.மு.க.):– எனது வார்டில் உள்ள ஆக்கிரமிப்பு களை அகற்ற கூடாது.

சுப்பிரமணியன்(சுயே):- தேவகோட்டையில் தெரு விளக்குகள் சரியாக எரிவ தில்லை. ராம்நகரில் உள்ள மிகப்பெரிய பூங்கா இருளில் மூழ்கியுள்ளது.

என்ஜினீயர்:– பைமாஸ் விளக்குகளை அதை நிறுவி யவர்களே பராமரிக்க வேண் டும் என்பதால் ஒரு மாத காலத்திற்குள் அதை சரி செய்துவிடுகிறோம்.

குடிநீர்பிரச்சினை

ரமேஷ்:- தேவகோட்டை யில் குடிநீர்பிரச்சினை பெரிய பிரச்சினையாக மாறி வரு கிறது.

என்ஜினீயர்:- மின்தடை தான் அதற்கு காரணம்.

பெரிபாலா(தி.மு.க.):- நகர் மன்ற தலைவர் மற்றும் அதி காரிகள் இணைந்து மின்தடை இருப்பதால் தண்ணீரை சிக் கனப்படுத்துங்கள் என்று அறி விப்பு செய்ய வேண்டும்.

பெரியாள்(அ.தி.முக.):- வாரசந்தையில் உள்ள ஓவர் டேங்கில் குப்பைகள் நிறைந்து அசுத்தமாக குடிநீர் வருகிறது.

தலைவர்:-எப்போதில் இருந்து வருகிறது.

பெரியாள்:- ஒருவாரமாக வருகிறது.

தலைவர்:- நான் தினமும் அலுவலகத் திற்கு வருகிறேன். நீங்கள் என்னிடம் அப்போது கூறியிருந்தால் அன்றே நடவ டிக்கை எடுக்கப்பட்டு இருக் கும். இனிமேல் அந்தந்த வார்டு களில் உள்ள பிரச்சினைகளை தினமும் எனது கவனத்துக்கு கொண்டுவந்தால் அவ்வப் போது தீர்க்கப்பட்டு விடும். அதை விடுத்து மாதத்திற்கு ஒருமுறை கூட்டத்தில் வந்து குறைசொல்வதை நிறுத்தி கொள்ளவேண்டும். இனி கவுன்சிலர்கள் கூட்டங்களில் பேசும்போது, தலைவரை தவிர அனைவரும் எழுந்து நின்று தான் பேச வேண்டும்.

துணைத்தலைவர்:- குறைகளே சொல்லக் கூடாது.

தலைவர்:-கவுன்சிலர்கள் கூறும்குறைகளை நாங்கள் செய்யவில்லை என்றால் இங்கு வந்து கூறுங்கள். இங்கு பேசப்படும் குறைகளை குறித்து வைத்துகொண்டு அவைகளை உடனடியாக அதிகாரிகள் தீர்க்கவேண்டும். அடுத்த கூட்டம் வரும்வரை காத்திருக்க கூடாது.

நாய்களுக்கு அடையாளம்

வீரப்பன் (அ.தி.மு.க):- தியா கிகள் ரோடு, பஸ்நிலைய வீதி, இ.பி.ரோடு ஆகிய வீதி களில் நகராட்சியே கால் வாய் கட்டுகிறோம் என்கிற பெயரில் ஆக்கிரமித்துள்ளனர். அதனை உடனடியாக அகற்ற வேண்டும்.

பாலு(சுயே):-நாய்களை கருத்தடை செய்யும்போது, அவைகளுக்கு ஏதாவது அடை யாளம் இடப்பட வேண்டும்.

இவ்வாறு விவாதம் நடை பெற்றது.

அரசியல், செய்திகள் இல் பதிவிடப்பட்டது . குறிச்சொற்கள்: . Leave a Comment »

முதியவர் பலி


தேவகோட்டை சாமியாடி பெரியகருப்பன் தெருவைச் சேர்ந்த ராமநாதன்,80. நகைக் கடை நடத்தி வருகிறார். இரு நாட்களாக அவரை காணாமல் குடும்பத்தினர் தேடினர். நேற்று மாலை சிலம்பணி ஊருணியில் பிணமாக மிதந்தார். குளிக்க வந்தவர் தவறி விழுந்து இறந்திருக்கலாம் என அவரது பேரன் நந்தா டவுன் போலீசில் புகார் செய்தார்.

சமூக சேவைகள் தோற்பதில்லை : 2வது வார்டு சுயே. வேட்பாளர்


தேவகோட்டை நகராட்சி 2 வது வார்டில் ஓய்வு பெற்ற தலைமையாசிரியர் குகானந்தம் சுயேட்சையாக போட்டியிடுகிறார். முதியவரான இவர் வீடு வீடாக ஆதரவு கேட்டு செல்கிறார்.

பிரச்சாரத்தில் அவர் கூறியதாவது: மத்திய மாநில அரசுகளின் சேவையை பாராட்டி விருதுகள் வழங்கியுள்ளன. வீட்டு வசதி வாரிய குடியிருப்பில் மன்றம் அமைத்து தார்ரோடு, விளக்குகள் அமைத்தேன். இப்போது இருக்கும் சீகூரணி பகுதியில் பஸ் ஸ்டாப் பெற்று தந்துள்ளேன். பல ஆண்டுகளாகியும் கண்டுகொள்ளபடாமல் இருக்கும் தில்லைநகர், செந்தில் நகர், மண்சாலைகளை தார்சாலைகளாக மாற்றுதல், அப்பகுதியில் மேல்நிலை தொட்டி ஏற்பாடு செய்து குடிநீர் கிடைக்க செய்யப்படும்.

எம்.எம். நகரில் இன்னும் பல சாலைகள் சீர்செய்யாமல் இருப்பதை ஒழுங்குபடுத்தி தார்சாலை போடப்படும். வீட்டுவாரிய குடியிருப்பில் பூங்காவிற்கான இடத்தில் பூங்கா அமைக்கப்படும். மேம்பாட்டு வரி அதிகம் வசூலாகும் 2 ம் வார்டின் இன்றியாமை தேவையை நிறைவேற்றுவேன். மின்மயானம் அமைக்க முதல் குரல் கொடுத்து அரசின் அனுமதியும் விரைவில் கிடைக்கும் நிலை உள்ளது.ஓய்வு பெற்ற ஆசிரியராக இருந்தே பல சமூக சேவை செய்த எனக்கு கவுன்சிலர் பொறுப்பும் கிடைக்கப் பெற்றால் மேலும் சிறப்பாக சேவை செய்வேன். ராம்நகரில் தினசரி சந்தை அமைக்கப்படும். சமூக சேவை செய்பவர்களின் தொண்டு எப்போதும் தோற்பதில்லை என்று கூறி பிரச்சாரம் செய்தார்.

மனைவி தேர்தலில் போட்டி: வாக்காளர்களுக்கு பணம் கொடுத்த கணவன் கைது


தேவகோட்டை அருகே உள்ள கண்ணங்கோட்டை ஊராட்சி தலைவர் பதவிக்கு அப்பகுதியைச் சேர்ந்த ராமநாதன் மனைவி வடிவுக்கரசி என்பவர் போட்டியிடுகிறார். ராமநாதன் நேற்று மாலை அப்பகுதியில் உள்ள வாக்காளர்களுக்கு தேர்தலில் போட்டியிடும் தனது மனைவிக்கு ஆதரவாக பணம் கொடுத்ததாக கூறப்படுகிறது.

இதுகுறித்து துணை வட்டார வளர்ச்சி அதிகாரி கேசவன், தேவகோட்டை தாலுகா போலீசுக்கு தகவல் கொடுத்தார். உடனடியாக போலீசார் விரைந்து வந்து சம்பந்தப்பட்ட பகுதியில் விசாரணை நடத்தினர். அப்போது அங்கு வாக்காளர்களுக்கு பணம் கொடுத்து கொண்டிருந்த ராமநாதனை, போலீசார் கையும் களவுமாக பிடித்து கைது செய்தனர்.

அவரிடம் இருந்து ரூ.7 ஆயிரம் ரொக்கப்பணம் பறிமுதல் செய்யப்பட்டது. கைது செய்யப்பட்ட ராமநாதன் அப்பகுதியில் உள்ள டாஸ்மாக் கடையின் சூப்பர் வைசராக பணியாற்றி வருகிறார் என்பது குறிப்பிடத்தக்கது.